Durante e prome conferencia di prensa pa Partido RED pa 2024, Ricardo Croes lider di e partido a cuminsa na toca e topico di corupcion riba nos pais. “Tin un dicho ta bisa cu porco ta busca muraya blanco pa frega su curpa. Akinan na Aruba e muraya blanco riba tereno politico yama partido RED Democratico,” segun Ricardo Croes a expresa.Ta masha hopi politico den e ultimo periodo aki a bini dilanti cu e curashi di pretende cu corupcion ta den tur partido politico. Entre otro, e prome cu a haci e declaracion aki ta parlamentario cu a saca su asiento den prizon, bisando cu tur partido politico na Aruba ta corupto. Aworakinan tin tambe parlamentario Ricky Hoek cu a bini dilanti pretende cu partido MEP tin un actitud pro activo contra corupcion. Hoek a menciona tres punto; Ley di financiamento politico, ley di integridad y ley di screening pa ministers.“Mi di, awel si shonnan. Pa cuminsa, laga mi corda sr. Hoek algo hopi importante y tur otro hende, principalmente e sostenedonan di e partidonan grandi aki. Tur e tres leynan aki ta iniciativa di nada menos cu Partido RED Democratico,” segun Croes.
INICIATIVANAN DI PARTIDO REDFor di su inicio na 2005 esaki tabata e caso unda cu Partido RED Democratico a introduci e puntonan aki den nan plan di gobernacion. Berdad Partido MEP ta duna e impresion cu na di tres punto di comportacion pro activo contra corupcion, pero no ta e tres leynan, ta e tres ex minister. “Besaril, Romero, cu Briezen. Nan mesun tres minister cu ta bao investigacion, y un di nan ta basta preta den e investigacion te cu a paga bek caba. Cual ta nifica cu el admiti di haci cos cu e no mester a haci.”