top of page

Sera conosi cu Vicky Perez

Victoria “Vicky” Pérez a yega Aruba cu 16 aña cu su mama y su ruman, como refugiado politico desde Colombia. Inmediatamente a namora di e isla y su hendenan y a dicidi di bay studia Hospitality and Tourism Management na Cornell University na Merca, e miho centro di estudio den veld na mundo, pa aplica su conocemento di regreso na Aruba.

El a cuminsa traha for di e fundeshi na e hotel Hyatt Regency Aruba, despues a siña tocante negoshi di casino na Hyatt Gambling Corporation y Ritz Carlton Aruba y tambe di restaurant na Renaissance Aruba Resort. Victoria “Vicky” Pérez ta reconoci pa ta e autor di e transformacion di e hotel The Mill pa Courtyard Resort by Marriott y pa representa Aruba na varios evento internacional como guru di e industria di turismo.

Victoria Pérez ta un empresario visionario y popular pa su negoshinan den e veld di turismo, Book it Vicky, di consulta, Vicky Perez Consulting y real estate, Properties by Book it Vicky, caminda e ta genera rond di 10 empleo directo y 50 empleo indirecto. Victoria “Vicky” Pérez tambe ta convenci di e importancia di cuida e animalnan y medio ambiente, como un forma di haci cualkier iniciativa social y economico sostenibel riba termino largo.

Cansa di e corupcion politico na Aruba y e trato desigual di e habitantenan di e isla, tanto nativo como inmigrante, Victoria “Vicky” Pérez a dicidi, cu ayudo di Ricardo Croes y e partido RED Democratico, pa aspira pa Parlamento di Aruba, di eynan pa sigui traha pa e industria di turismo sostenibel, integracion di migracion, reactivacion economico y bienestar di e animalnan.

Victoria “Vicky” Pérez ta representa e cambio y vision di un futuro miho pa tur hende, inmigrante y Arubiano nativo, den cua mas cu un isla feliz nos ta un isla cu hende feliz debi na e calidad di bo empleo, bo educacion, bo salud y bo oportunidadnan nobo. Cu Victoria “Vicky” Pérez, number 4 riba e lista color blanco di partido RED democratico, e Victoria ta di Aruba, e Victoria ta di tur hende!

Join e Victoria riba www.victoriaaruba.com


0 comentarios

Comments


bottom of page